Мой родны кут

У Мінскай вобласці нарадзіліся...

Павел Місько - беларускі пісьменнік, празаік, паэт, публіцыст.

    Нарадзіўся ў вёсцы Старцэвічы Слуцкага раёна Мінскай вобласці. Творчасці Паўла Місько ўласціва ўвага да чалавека працы, жывое шматфарбнае народнае слова. Выдаў кнігі нарысаў "Дрэва жыцця", "Гаспадыні свайго лёсу", аповесці "Поезд ішоў на захад", "Калянае лісце" і інш. творы, якія ўвайшлі ў залаты фонд беларускай літаратуры.

Павел Місько

Васіль Вітка - беларускі паэт, перакладчык, крытык, публіцыст, педагог; класік беларускай дзіцячай літаратуры. Заслужаны дзеяч культуры Беларускай ССР.

    Нарадзіўся ў вёсцы Еўлічы Слуцкага раёна Мінскай вобласці. Васіль Вітка - аўтар шматлікіх збонікаў паэзіі ("Поўдзень", "Вернасць", "Вершы", "Случчына" і інш.), вершаваных казак ("Казка пра цара зубра", "Вавёрчына гора", "Дударык" і многія іншыя) аўтар п'ес "Шчасце паэта", "Прамень будучыні". Адзін з аўтараў чытанак "Роднае слова" для 1,2,3 класаў.

Васіль Вітка

  Якуб Колас - беларускі паэт, празаік, драматург, крытык, публіцыст, вучоны, педагог, грамадскі дзеяч, адзін з заснавальнікаў сучаснай беларускай літаратуры і літаратурнай мовы. Нарадзіўся ў засценку Акінчыцы Мінскага павета (цяпер у межах г. Стоўбцы). Народны паэт Беларусі (1926). Акадэмік АН Беларусі (1928). Заслужаны дзеяч навукі Беларусі (1944).

Якуб Колас

    Генрых Далідовіч - сучасны беларускі пісьменнік.

     Нарадзіўся на хутары Ашмарок, што быў паблізу сённяшняй вёскі Янковічы Стаўбцоўскага раёна. Генрых Далідовіч - аўтар зборніка апавяданняў "Дажджы над вёскай", раманаў "Гаспадар-камень", "Пабуджаныя", "Свой дом", "Заходнікі". Творы Г. Далідовіча адметныя лірызмам, увагай да побытавых дэталей, дакладным псіхалагізмам.  

Генрых Далідовіч

Генадзь Кляўко - беларускі паэт, перакладчык, дзіцячы пазаік, журналіст.

 Нарадзіўся ў вёсцы Варонічы Пухавіцкага раёна Мінскай вобласці. Аўтар зборнікаў вершаў "Абветраныя далягляды", "Сто крокаў", зборнікаў вершаў і паэм "Прыстань", "Плуг", зборнікаў  гумарыстычных вершаў і мініяцюр "Лайдак і кнопкі", "Каб не сурочыць..." для дзяцей выдаў кніжку "Першы салют".

Генадзь Кляўко

Уладзімір Жылка - беларускі паэт, перакладчык, крытык.

    Нарадзіўся ў вёсцы Макашы Навагрудскага павета Мінскай губерніі (цяпер Нясвіжскі раён, Мінская вобласць). Аўтар рукапіснага гісторыка-філасофскі эцюда  "Беларусь-Крыўя", паэмы «Уяўленне», зборнікаўвершаў «На ростані», «Вершы аб Вільні». Пераклаў «Слова пра Якуба Шэлю» Б. Ясенскага, асобныя творы А. Блока, А. Міцкевіча, Г. Ібсена, Ш. Бадлера, І. Волькера і інш.

Уладзімір Жылка